?
كمشروع محلي صغير يرجى مراعاة عدم توفر الموارد الكافيه التي تسمح ان نلبي ونرضي الجميع ٢٤ ساعه يوميًا
احب اللي اسويه وودي استمر احبه .. ما تجتمع الجودة والسرعه ولا استمرار النجاح وارضاء الناس
بدور المنيس
اجابات
اسئله دائمًا تسألونها
ممكن اطلب ؟
اي نعم ممكن.. الطلب يتم عن طريق الموقع او الحضور الى المحل
اذا طلبت بالمحل يخلص نفس الوقت ؟
اي شي فيه تخصيص كلام ما يخلص نفس الوقت … التسليم حسب الضغط والتحضير يتم حسب الاولويه .. الافضل الطلب من الموقع واختيار يوم ووقت الاستلام او التوصيل.
يصير اطلب بالواتس اب او دايركت ؟
لا .. الموقع يضمن حقكم واستلام فاتوره ورقم طلب ويزيد من جودة العمل
بطلب واحتاج الطلب يوصل ضروري اليوم
الطلب فقط عن طريق الموقع وحسب المواعيد المفتوحه والمتوفره
متى تفتحون ؟
اوقات العمل معروضة في بايو الانستغرام – الموقع – غوغل
يصير توصلون الطلب من غير فاتوره ؟
اي نعم .. ببساطه اختيار الخانه
Remove invoice & deliver to receiver directly
( يرجى ازالة الفاتوره وارسالها الى صاحب الهديه )
ثم ادخال تفاصيل المستلم .
اذا طلبت متى يوصل ؟
ممكن اختيار يوم ووقت التوصيل حسب المتوفر في الموقع
توصلون؟
اي توصيل اغلب مناطق الكويت دينارين
بجم ؟
جميع الاسعار متوفره في الموقع
ابي اطلب هذا مو لاقيته بالموقع
غير موجود في الموقع يعني غير متوفر للطلب
بطلب توصيل بس ما عندي عنوان المستلم؟
كتبوا رقم المستلم وعند خانة العنوان كتبوا
please take full address from the receiver
شلون احط فلوس بالبرواز؟
موضوع الفلوس حساس جدا ومسوؤليه كبيره ولذلك وقفناه نهائيا نحط الفلوس لكم لكن في خيارين
اما تختارون استلام ونجهز الطلب لكم وفقط عند الحضور نرتبلكم الفلوس بعد ما تعطونا اياها وتستلمونه بنفس الوقت او نوصله لكم مع مناديب معينه نثق فيها لكن متوفرين في اوقات معينه .. او ممكن ببساطه تحطون الفلوس بنفسكم وبسهوله
وين مكانكم ؟
اللوكيشن في بايو الانستغرام . . ممكن في غوغل ماب كتابة اسم المحل
TheBside
عنوان المحل : القبله – شارع عبدالله السالم – مجمع بيتك – ميزانين – محل ٦٩
مو عارفه اطلب من الموقع
يوجد ترجمه .. مع شوية ثقه وطولة بال راح يتم الطلب بسهوله ان شاء الله .. ممكن الحضور الى المحل للطلب والاستلام او التوصيل يتم حسب المواعيد المتوفره
تقدرون تحطون اللي طلبته كله بصندوق ؟
اي نعم بعد ما تختارون كل المنتجات ولما توصلون التشيك اوت قبل الدفع في خاصية
Add gift package
تضغطون عليها وتضيفون الباكج المناسب وراح نحرص ننسقه لكم بشكل حلو ونختار الحجم المناسب
اقدر اعدل على الطلب ؟
لا يمكن التعديل على الطلب .. يرجى الحرص والمراجعه
اقدر اكنسل الطلب ؟
لا يمكن الغاء الطلب .. يرجى اخذ الوقت اللازم للتأكد قبل الطلب
طلبت من الموقع بتأكد متى يوصل ؟
نحرص دائما على الثقه وجودة الخدمه .. سيتم التوصيل خلال الوقت واليوم الذي تم تحديده عند الطلب.
ممكن اشوف طلبي بعد ما يجهز ؟
نحرص دائما على الثقه وجودة الخدمه وتسليم الطلب بأحسن طريقه ممكنه.. تم الغاء خاصية ارسال صور الطلب بعد التجهيز … لمن يرغب برؤية الطلب فممكن المرور الى المحل ورؤية الطلب على الطبيعه للتأكد
ممكن اتواصل مع احد ؟
للتواصل مع الادارة ممكن ارسال ايميل
bedouralmunayes@gmail.com
اعتذر عن الرد لأي شي يخص تعديل او الغاء طلب او استفسار عن موعد توصيل
حيث سيتم الرد بأقرب وقت يسمح
طلبت من الموقع .. هل جاهز للاستلام ؟
.سيتم إرسال ايميل عندما يصبح الطلب جاهز للاستلام من المحل
your order is completed.
انا برا .. ممكن احد يطلعلي الطلب
يرجى استلام الطلب من المحل في مجمع بيتك .. ميزانين .. محل ٦٩
مو قادره القى موقف
الافضل الحضور الى المحل بعد الساعه ٣ العصر .. حيث تفتح مواقف المجمع للجميع.. اذا كان الحضور قبل الساعه ٣ في ايام الاسبوع ف ان مواقف المجمع تكون فقط مفتوحه للموظفين البنوك والمكاتب .. هناك بديل وهي مواقف الوطنيه او مواقف المسيل
في توصيل خارج الكويت ؟
قريباً ان شاء الله
❤️كلنا ممكن نساعد بعض نكون احسن
